O Pontevedra inicia oficialmente a tempada coa tradicional ofrenda á Virxe Peregrina
Por Redacción
O Santuario da Virxe Peregrina acolleu este martes o primeiro acto oficial da tempada 2014/2015 do Pontevedra Club de Fútbol.
Primeiro plantel, corpo técnico, integrantes do Consello de Administración e empregados do club participaron do acto, que concluíu coa tradicional ofrenda floral á Virxe.
Nesta ocasión foi a presidenta, Lupe Murillo, a encargada de depositar as flores ante a Virxe despois dunha misa oficiada polo párroco Luis Alcántara.
Tras pousar ante os medios gráficos nas escaleiras que dan acceso ao templo, o equipo dirixiuse ao Hotel Campaniola para gozar dunha comida de confraternización.
Os granates, que descansan este mércores, afrontarán dende o xoves as últimas sesións de adestramento antes de debutar en liga o próximo domingo (19:00 horas) en Ordes.
Relacionadas:
-
Tubo, Carnero e Capi, únicas baixas do Pontevedra para o debut ligueiro en Ordes
Por Diego Espiño |
-
Viaxe organizada para acompañar o Pontevedra na estrea ligueira en Ordes
Por Redacción |
-
Mal remate de pretempada dun Pontevedra descafeinado e fallón que cae (2-1) fronte ao Xuventú Sanxenxo
Por Ramiro Espiño |
-
Tomás salva os mobles a un frouxo Pontevedra que se impón nos penaltis (2-2) ao Portonovo
Por Ramiro Espiño |