Peixegalego e Xuven xa coñecen o calendario da súa segunda aventura na Liga Adecco Plata
Por Redacción
A Federación Española de Baloncesto celebrou na mañá deste luns, 18 de agosto, o sorteo da Liga Adecco Prata, que contará esta tempada con 15 equipos en liza.
Entre eles repetirán por segundo ano consecutivo o Club Xuventude Baloncesto de Cambados e o Marín Peixegalego, que volven afrontar a competición co obxectivo de manterse na terceira categoría do baloncesto nacional.
No caso do Xuven, a súa estrea producirase no seu pavillón, O Pombal, o sábado 4 de outubro (18:00 horas) recibindo ao Fundación Baloncesto Fuenlabrada, mentres os marinenses arrancarán a liga a domicilio un día despois (5 de outubro ás 18:00 horas) visitando a pista do Azpeitia vasco.
Unha semana despois o Peixegalego estrearase na casa ante a Canarias Basketball Academy e o Xuven afrontará o seu primeiro desprazamento, a Vitoria para xogar ante o Araberri.
O primeiro duelo directo entre os dous equipos galegos chegará xa na terceira xornada, o día 18 de outubro en Cambados, quedando a volta na Raña para o día 24 de xaneiro.
A última xornada da Adecco Prata, prevista para o 25 de abril, fixa os enfrontamentos Peixegalego-Araberri e Xuven-Zornotza.
O calendario completo pode consultarse na páxina oficial da Liga LEB Prata, www.adeccoplata.es.
Relacionadas:
-
O Peixegalego repesca a Al Rapier e o Xuven de Cambados incorpora a Austin Ramljak
Por Redacción |
-
Cedric Belemene abandona o Peixegalego e marcha a EE.UU
Por Redacción |
-
Norman Rey volve ao Peixegalego seis tempadas despois
Por Redacción |
-
Xuven e Peixegalego avanzan na composición dos seus planteis
Por Redacción |