Redondela, Bembrive FS e Talleres ABC Vigo, rivais do Leis na fase previa da Copa Xunta
Por Redacción
A tempada 2014/2015 empeza a coller forma e xa se coñecen os enfrontamentos da primeira fase da Copa Xunta de fútbol sala. A competición celebrarase polo sistema de liga a unha volta e, do mesmo xeito que en pasadas edicións, os equipos teranse que poñer de acordo para disputar os partidos, que salvo sorpresas está previsto realícense na pretemporada.
O Leis Pontevedra masculino quedou encadrado no grupo "A", e comezará o seu andadura desprazándose para xogar contra o Redondela FS. Nos dous partidos restantes os pupilos de Manu Cossío enfrontaranse como locais a Bembrive FS e Talleres ABC Vigo.
Para clasificarse é necesario obter unhas das dúas primeiras posicións, un obxectivo para o cal os pontevedreses contarán co apoio da súa afección nas dúas últimas datas, algo que sen dúbida será un plus de motivación. Ademais estes encontros servirán para calibrar o plantel de face ao comezo dunha tempada esixente en segunda división B, precisamente ante o Bembrive FS.