A XXXII Travesía a nado do porto de Vilagarcía supera as 140 inscricións
Por Redacción
O Club Natación Vilagarcía e a Fundación de Deportes organizan un ano máis a tradicional travesía a nado do Porto de Vilagarcía. A XXXII edición da proba celebrarase o domingo 17 de agosto no peirao de pasaxeiros. Ata o momento xa se teñan superado as 140 inscricións de nadadores afeccionados e federados, e as persoas que desexen participar aínda poderán anotarse no peirao de pasaxeiros ata as 10:30 horas da mañá do mesmo domingo.
Con estas boas expectativas de participación, o Club Natación Vilagarcía e a Fundación de Deportes teñen todo listo para dar o pistoletazo de saída a una das citas deportivas máis tradicionais das Festas de San Roque. A proba comezará ás 11:30 horas con saída e meta nas Escaleiras Reais do Porto de Pasaxeiros. Os participantes deberán presentarse a partir das 10 da mañá para a recollida dos seus dorsais.
Haberá dúas categorías de participación. Na A, poderán tomar parte nadadores federados e non federados nados no ano 2001 e posteriores, é dicir rapaces de 9 a 12 anos. O traxecto que terán que cubrir será de 1.000 metros. Os nadadores non federados menores de 18 anos deberán presentar una autorización dos pais ou titores legais para poder participar na proba.
Na categoría B ou absoluta tamén poderán participar deportistas federados e non federados, de 13 anos en diante e a distancia que deberán nadar será de 2.600 metros.
A proba réxese polas normas acordadas pola federación Galega de Natación e puntúa no Campionato Galego de Natación de Augas Abertas de longa distancia. Varias embarcacións encargaranse de velar pola seguridade dos nadadores durante a proba e tamén para establecer os controis por parte dos xuíces.
A entrega de premios celebrarase no mesmo Peirao de Pasaxeiros a partir das 13:00 horas.