Francia, Grecia, Turquía e España sub-16 de baloncesto enfróntanse nun cuadrangular na Raña
Por Redacción
O pavillón marinense da Raña será escenario dende este venres día 8 e ata o domingo 10 de agosto dun torneo internacional de seleccións de baloncesto en categoría sub-16.
A cita, preparatoria para o Europeo da categoría que se celebrará en Letonia, enfrontará aos combinados nacionais de España, Francia, Grecia e Turquía en formato de cuadrangular.
Será o último compromiso da Selección Española sub-16 dentro da concentración que realiza en Marín dende o pasado 27 de xullo.
Os partidos contarán con acceso gratuíto para o público e disputaranse na seguinte orde:
- Venres 8
- 18:00 horas: Turquía - Francia
- 20:00 horas: España - Grecia
- Sábado 9
- 18:00 horas: Francia - Grecia
- 20:00 horas: España - Turquía
- Domingo 10
- 10:00 horas: Turquía - Grecia
- 12:00 horas: España - Francia