Robertas Geralavicius e Iria Campos impóñense na primeira +8K San Xoán Poio
Por Redacción
Satisfacción na organización do +8K San Xoán de Poio tras unha primeira edición que contou coa participación de 258 atletas.
Todos eles saíron do Parque da Memoria para completar os oito quilómetros de percorrido ata o Centro Comercial A Barca pasando pola franxa costeira do municipio, un trazado esixente polas súas continuas costas, segundo destacaron os corredores.
O primeiro en cruzar a liña de meta foi o deportista da Sociedad Gimnástica Robertas Geralavicius (26:43), con apenas un segundo de vantaxe sobre Elías Domínguez (26:44), mentres Miguel Daporta completou o podio na terceira posición (28:12).
En categoría feminina a vencedora foi Iria Campos (34:59) seguida de Marga Villaverde (35:21) e Eva Isabel Babiano (36:05).
Ademais os máis pequenos puideron gozar de diferentes carreiras tomando parte na primeira edición dunha proba que promete continuidade.