Beatriz Gómez estréase no europeo con record galego pero sen final
Por Redacción
O Campionato de Europa de Natación en Piscina Curta que se celebra en Chartres (Francia) arrincou para Beatriz Gómez cun novo record galego nos 200 metros estilos.
A nadadora pontevedresa logrou o undécimo mellor rexistro (2:11:80), mellor marca persoal, que con todo foi insuficiente para meterse na final, da que quedou a tres décimas.
Na mesma proba a ribeirense María Vilas, bolseira do Centro Galego de Tecnificación Deportiva, parou o cronómetro en 2:13:18 en décimo quinto lugar.
Gómez Cortés volverá tirarse á piscina na xornada do venres coa proba dos 200 metros braza, completando a súa participación no europeo cos 400 estilos e 400 libres.