O Arxil fai balance dunha brillante tempada para os seus equipos
Por Redacción
Trinta anos despois da súa fundación, o Club Baloncesto Arxil pechou unha das súas mellores tempadas nas diferentes categorías.
Dende o equipo de Liga Feminina 2, que o verán pasado non sabía se contaba con praza na categoría tras o seu descenso o pasado curso e rematou loitando ata a última xornada por unha praza no play-off de ascenso á máxima categoría do baloncesto feminino nacional, logrando cunha sexta praza a súa terceira mellor clasificación histórica.
Pola súa banda o filial, o Arxil Mafari, finalizou a Liga Autonómica en segunda posición, logrando praza para unha fase de ascenso que se disputou en Soto del Barco, Asturias, e na que as verdes lograron ascender a Primeira Nacional.
En canto ás categorías inferiores o conxunto Júnior tamén se fixo co ascenso a Primeira División tras proclamarse campión galego de Segunda División, mentres o Infantil, ademais do título autonómico, disputará a próxima semana o Campionato de España, con sede en Pontevedra.
Tamén as cadetes ou os equipos de Minibasket gozaron dunha tempada positiva seguindo co seu proceso de aprendizaxe.
A todo isto hai que sumar os eventos nos que o club pontevedrés colabora, como o seu tradicional Torneo 3x3 na rúa, deixando unha grata sensación na directiva verde, que xa traballa na composición dos diferentes equipos de cara á próxima tempada.
Relacionadas:
-
O filial do Arxil renuncia á súa praza en Primeira Nacional e competirá un ano máis na Primeira galega
Por Redacción |
-
Reforzar o xogo interior, obxectivo dun Arxil que xa se inscribiu en Liga Feminina 2
Por Redacción |
-
Estudiantes, Restaurante Barros e La Salle, rivais do Arxil no Nacional Infantil
Por Redacción |
-
Minata Keita abandona un Arxil que, sen ela, empeza a traballar xa na tempada 2014-2015
Por Redacción |