A afección do Poio FS, considerada como a mellor da liga
Por Redacción
"Es un aténtico orgullo". Así define o presidente do Poio Fútbol Sala, Juanjo García, o recoñecemento que o resto de clubs da máxima categoría outorgou á afección vermella.
Nunha votación organizada por Mundo Sala e Sala Femenino, na que participaron as capitás e adestradores de todos os equipos de Primeira División, os seguidores do Poio foron distinguidos como a mellor afección cun total de 23 puntos, polos 14 recibidos polo Alcorcón e os 10 de Cidade das Burgas, Burela e Roldán.
"Esto ni se compra ni se vende, es patrimonio del club", argumenta con orgullo o dirixente rojillo. E é que os seus seguidores, ademais de abarrotar cada xornada o Pavillón da Seca, estiveron presentes en todos os derbis coa Peña Os Miñocas como cabeza máis visible. Por iso aínda que "para nosotros ya era la mejor afición", di Juanjo García, "que te lo confirmen es resto de clubes te llena ún más".
No resto de categorías a futbolista Peque, do Burela, foi designada como mellor xogadora da tempada, mentres Andrés Sanz, do Atlético de Madrid Navalcarnero, conseguiu o recoñecemento de mellor adestrador.