A canteira do Poio FS xa pensa no Campionato de España
Por Redacción
Os equipos infantil e cadete femininos do Poio Fútbol Sala gañáronse o dereito a participar no Campionato de España nas súas respectivas categorías despois de alzarse co título galego.
O traballo do club vermello coa base vese así recompensado un ano máis, no que o obxectivo pasa agora por gozar da experiencia sen renunciar a nada.
Con esa filosofía o equipo cadete proclamouse hai un ano campión de España en Alcorcón, título que defenderá do 27 o 29 de xuño en Zaragoza nunha competición na que aínda non se coñecen os emparellamentos.
Pola súa banda o conxunto infantil acudirá a Roldán (Murcia) do 20 ao 22 de xuño, onde quedou encadrado no Grupo A xunto ao anfitrión Roldán, o Intersala aragonés e o campión de Castela A Mancha, aínda por coñecer.
O Grupo B compóñeno Comarca de Níjar (Andalucía), Cantera (Navarra), FSF Mostoles (Madrid) e Peña Espluges (Cataluña).