A Federación avala o Pontevedra e xogarase o domingo ás 20:00 da tarde
Por Diego Espiño
Finalmente o partido de ida da semifinal polo ascenso a Segunda B entre Pontevedra Club de Fútbol e Atlético Granadilla xogarase o próximo domingo, 1 de xuño, ás 20:00 horas no Estadio Municipal de Pasarón.
O club granate confirmou este mércores que existe un acordo verbal con Federación Española e o club canario, toda vez que o ente federativo tivo en consideración as alegacións dos pontevedreses, que fixaron o horario para non coincidir co Campionato do Mundo de Dúatlon ante as recomendacións da Policía Local, responsable do dispositivo de mobilidade e seguridade durante o fin de semana.
Segundo traslada o Pontevedra, só falta que o Atlético Granadilla envie unha confirmación por escrito, unha vez aceptado un horario ao que se opoñían por verse obrigados a facer noite na cidade de Lérez e polos problemas de ata catro futbolistas que terían que ausentarse do seu traballo o luns.
O rival dos granates traballa xa para lograr os permisos necesarios e non se ver minguado coas ausencias dalgúns dos seus habituais no once inicial.