Aguete, Baiona e Marín recibirán os barcos clásicos e de época do Trofeo Jaime Janer
Por Redacción
A terceira edición da regata de barcos clásicos e de época Trofeo Capitán de Corbeta Jaime Janer Gran Premio Concello de Marín chegará ás augas da Ría de Pontevedra e de Vigo os días 7 e 8 de xuño.
Os portos de Aguete, Baiona e Marín serán os escenarios de saída e chegada das dúas etapas que compoñerán a competición.
Desta forma a primeira xornada transcorrerá entre Aguete e Baiona cun percorrido de 14 millas náuticas, dous menos que a distancia a completar o domingo 8 de xuño na segunda etapa, entre Baiona e Marín.
O evento, organizado pola Escola Naval Militar de Marín e o Real Club de Mar de Aguete, espera a presenza dunhas 20 embarcacións.
O Trofeo Jaime Janer foi presentado este martes no Concello de Marín coa presenza da alcaldesa María Ramallo, o comandante-director da Escola Naval Militar, Juan Luis Sobrino, o presidente do Real Club de Mar de Aguete, Guillermo Gefaell, a deputada Begoña Estévez e o vice-comodoro do Monte Real Club de Iates de Bayona, Alejandro Retolaza.