Posta a punto da pista do Pavillón Municipal dos Deportes
Por Redacción
A concellaría de Deportes de Pontevedra destinou 18.000 euros para a mellora do parqué do Pavillón Municipal dos Deportes, instalado no ano 2001.
Os traballos estanse a realizar durante a presente semana cunha reparación que, aseguran, estaba prevista pero que tamén era necesaria para adaptar o pintado da cancha á normativa da Federación Española de Baloncesto de cara ao Nacional Infantil Feminino que se disputará na cidade entre os días 15 e 21 de xuño.
Tras lixar a pista, procederase a aplicar un produto de protección para a madeira antes de realizar o pintado, estando previsto finalizar os traballos na mañá do sábado.
O novo parqué estrearase en competición durante os días 7 e 8 de xuño coa fase final da Copa de Terceira División e Primeira Xuvenil de fútbol sala, evento organizado polo Leis.