Máis de 600 padexeiros participarán na Copa de España de 200 e 500 metros no Pontillón do Castro
Por Redacción
A coincidencia co control selectivo de cara ao Europeo e o Mundial, que arranca este xoves, propiciou que a inscrición para a Copa de España de piragüismo de 200 e 500 metros se disparase.
A pista olímpica de Pontillón do Castro, en Verducido, acollerá a competición o sábado 24 e domingo 25 de maio.
En total serán máis de 600 padexeiros de 74 clubs nacionais, dos cales 24 son galegos.
Entre eles estarán os grandes nomes do piragüismo nacional, segundo recoñeceu o presidente da Federación Galega, Alfredo Bea, na presentación do evento xunto ao alcalde de Pontevedra, Miguel Anxo Fernández Lores.
Tras esta cita Verducido aínda acollerá outra gran proba esta mesma tempada, o Campionato de España de Promesas, mentres o río Lérez será escenario tamén da Copa de España de Maratón.