O Arxil reforza o seu filial en busca do ascenso a Primeira Nacional
Por Redacción
A localidade asturiana de Soto del Barco acolle esta fin de semana a fase de ascenso á Primeira Nacional de baloncesto feminino, con presenza do segundo equipo do Club Baloncesto Arxil.
O filial verde comezará a súa andaina enfrontándose este venres ao subcampión asturiano, o Bosco de Avilés.
Na mañá do sábado o rival será o Calasanz, campión cántabro, quedando para o domingo os partidos polo terceiro e cuarto posto e a final.
Co obxectivo de lograr o salto de categoría o club pontevedrés decidiu reforzar o equipo coa presenza de xogadoras habituais do conxunto de Liga Feminina 2.
Deste modo Mayte Méndez e Milagres Sanmartín terán ás súas ordes a Jara Tuda, María Lago, Cristina Díaz-Pache, María Quiroga, Fany López ou Natalia Soage, a demais de xogadoras como Aldara Vázquez que xa gozaron de minutos en categoría superior.
Completan a convocatoria Yaiza Serrapio, Sara Murado, María José Ogando, Noa Casalderrey e Alba Portela.