Lucía Vázquez sitúase terceira no Open de España de Cross Country
Por Redacción
O circuíto ilerdense de Vall de Lord acolleu a pasada fin de semana unha nova cita do Open de España de Cross Country, coa participación de Lucía Vázquez.
A ciclista de Vilaboa finalizou na mesma posición nas dúas xornadas puntuables, cun dobre cuarto posto.
Lucía finalizou a contra o reloxo individual a 59 segundos de Rocío Martín, mentres na carreira unha mala saída lastrou as súas opcións nunha proba dominada por Anna Villar.
Estes resultados permítenlle ascender á terceira praza da xeral cando se chegou ao ecuador da competición.
A próxima cita do Open de España disputarase en Palencia a mediados do mes de xuño.