A Escola Hungaresa suma 12 medallas no Campionato Galego Infantil e Júnior de Esgrima
Por Redacción
Antes de que o seu equipo feminino de sabre cadete, composto por Natalia Fernández, Antonella Bunimov e Ángela De Faveri, compitan a próxima fin de semana na última proba puntuable para acceder ao Campionato de España, o Torneo Nacional de Ranking de Madrid, a Escola Hungaresa protagonizou un bo papel no Campionato Galego Infantil e Júnior de Esgrima.
O club pontevedrés adxudicouse en Vigo un total de 12 medallas, copando os podios de todas as categorías de sabre nunha competición na que estiveron presentes máis de 150 tiradores dos diferentes clubs galegos.
En idade infantil Luís Castro derrotou ao seu irmán Paulo na final, con Javier Campelo e Chema Carreira na terceira praza, unha situación que se repetiu na categoría júnior con Luís Castro de novo vencedor aínda que esta vez por diante de Ignacio Pastor, Víctor Revenga e Paulo Castro.