31 equipos buscan na Xunqueira a clasificación para o Torneo Internacional Cidade de Pontevedra
Por Redacción
A décimo sexta edición do Torneo Internacional de Fútbol-7 Benxamín Cidade de Pontevedra arranca este xoves coa disputa da fase previa nas instalacións da Xunqueira.
Alí daranse cita dende as 10:00 da mañá 31 equipos en busca das sete prazas dispoñibles para a fase final, onde poderían enfrontarse a equipos como o Porto, Benfica, Barcelona ou Celta de Vigo, semifinalistas da pasada edición.
A competición desenvolverase en dous sectores, un matinal con catro prazas en xogo e outro vespertino no que tres equipos lograrán a súa clasificación para a fase definitiva, prevista para os días 14 e 15 de xuño.
Na previa daranse cita os seguintes clubs: Gondomar, Marcón, Moraña, Salgueiriños, A Seca, ED Sagrado, Poio, Rápido de Bouzas, AJ Lérez, Areaosa, Figueirido, Pontevedra, Coruxo, Arosa, Monteporreiro, Salcedo, Bertamiráns, Choco, Colegio Hogar, Ponte Ourense, Victoria, Boiro, ED Arousa, Val Miñor, Galicia Caranza, Xuventude Oroso, Moañesa, Lalín, Louro, Pabellón e Santa Mariña.