Monte Porreiro chega á cuarta edición do seu torneo de fútbol-8 benxamín e alevín
Por Redacción
Un total de 17 equipos galegos daranse cita durante o xoves 17 e o venres 18 de abril na cuarta edición do Torneo Fútbol-8 Benxamín e Alevín de Monte Porreiro.
A competición divídese no campionato benxamín, o xoves, e o alevín, o venres, cunha estrutura de fase de grupos (dende as 10:00 horas da mañá) e as eliminatorias, ata as 20:00 horas.
Ademais de SD Monteporreiro e EF Porteiro 2000 como organizadores, os equipos participantes son: Moraña CF, Arosa SC, Verdugo, CD Campo Lameiro, Coruxo FC, Escola Deportiva Arousa, FC Cruceiro, Dorrón CF, Escolas Deportivas de Poio, GD Meadela, Salgueiriños CF, Puente Arnelas FC, UD Santa Mariña, Barro CF e CD Portas.
Ademais do propio torneo, a organización preparou actividades complementarias, como xogos inchables ou futbolín humano.