As escolas do Pontevedra Rugby Club poñen rumbo a Lisboa
Por Redacción
Os equipos sub-17 e sub-13 do Pontevedra Rugby Club participarán o próximo fin de semana, os días 12 e 13 de abril, no Portugal Rugby Youth Festival.
O torneo, que se celebra nos campos da Universidade de Lisboa, contará coa presenza de clubs de Inglaterra, Gales, Francia, Irlanda e do propio país luso.
O Pontevedra Rugby Club será a única escola galega ante equipos do talle do Biarritz, Ivy Bridge, Millfield, London Nomads, Coldstones ou o Old Bohemians.
Na primeira fase, os sub-13 quedaron emparellados no grupo C xunto a Agronomía, Escolinha da Galiza e Benfica, mentres que os sub-17 xogarán no grupo B con Old Bohemians, Benfica e Ericeirense.