Podio para Lucía Vázquez na súa primeira proba internacional da tempada
Por Redacción
Primeiro podio internacional do ano para Lucía Vázquez, que finalizou en terceiro lugar na primeira proba puntuable para a Taça de Portugal de Mountain Bike, celebrada na localidade lusa de Liria.
A ciclista de Vilaboa só foi superada na liña de meta polas riders polacas Paula Gorycka e Moikar Zur, pelexando ata os últimos metros polo segundo lugar nunha competición marcada polo barro.
Este resultado na Internacional XCO Marrazes 2014 sérvelle a Lucía Vázquez para sumar puntos no ranking da Unión Ciclista Internacional (UCI) na modalidade olímpica de Cross Country.