Contundente vitoria do Cisne (36-21) sobre o Granitos Ibéricos
Por Redacción
Segue o Cisne na loita por alcanzar a posibilidade de disputar o play-off de ascenso. A contundente vitoria sobre o Granitos Ibéricos permite aos de Edín Covelo manter opcións de desbancar a Calvo Xiria, Seis do Nadal e Luceros da segunda praza que permita acompañar ao Atlético Novás na busca de acceder á segunda categoría do balonmán español.
Apenas pasaron problemas os pontevedreses para levarse os puntos. Granitos Ibéricos aguantou escasamente os quince primeiros minutos, xusto ata que a portaría cisneísta empezou a achegar ao seu equipo, e os locais marcharon cun parcial de 10-2 antes do descanso para deixar resolto o partido e converter a segunda parte nun mero trámite que unicamente serviu para que a diferenza se fose ampliando cada vez máis ata o avultado marcador final.
BM CISNE (36): Iago González (1), Juanjo Novás, Edu Alonso; Rafa Gestido (1), David Lopez (1), Iván Abilleira, Álex Chan (2), Pablo Rey (6), Andrés Sánchez (3), Rafa Dasilva (3), Pablo Picallo (6), Javi Vázquez (7), Carlos Rodríguez (4) e Miguel Simón (2).
GRANITOS IBÿRICOS (21): Pedro Ramírez, David Álvarez; Jorge Castro, Ismael Lago (5), Ramón Otero (1), Hugo López, Pablo Pérez (4), Joaquín Rodríguez (3), Diego Pérez (1), Pablo Barros (2), Pablo León, Xacobo Novoa (2), Juan Araújo (3) e Diego Mouriño.
Árbitros: Pablo Álvarez e Lucas Crespo (Ourense). Excluíron por dous minutos a Carlos Rodríguez e Miguel Simón, polos locais, e a Ismael Lago, Ramón Otero, Pablo Pérez e Juan Araújo, polo conxunto visitante.
Marcador (cada cinco minutos): 3-2, 6-4, 7-7, 11-7, 13-8, 17-9 (descanso), 22-11, 24-14, 28-16, 30-19, 33-19 e 36-21 (final).
Incidencias: Pavillón do Centro Galego de Tecnificación Deportiva (Pontevedra): Uns 125 espectadores.