O Galaico lévase o Trofeo Amizade de Ponteareas
Por Redacción
O Club Natación Galaico obtivo a primeira posición na clasificación de clubs do Trofeo Amizade de Ponteareas.
A entidade pontevedresa dominou a cita, celebrada no Complexo Deportivo Álvaro Pino, a pesar de non desprazar ningún nadador de categoría absoluta.
Ademais do Galaico, no trofeo participaron os clubs de Ponteareas (segundo), Rías Baixas (terceiro), Vilagarcía, Boiro, Riveira, Salnés, Náutico de Redondela, Codesal e Real Club Náutico de Vigo.
Na competición participaron nadadores en categorías alevín, infantil e absoluta, sendo nomeado o deportista do Galaico Daniel Sánchez como o máis destacado do campionato segundo a puntuación FINA.