Alta participación na xornada de adestramento de boxeo convocada en Marín
Por Redacción
Preto dun centenar de persoas, entre deportistas e afeccionados ao boxeo, déronse cita o pasado sábado no pavillón marinense da Cañota para gozar dunha xornada de adestramento conxunto.
A inciativa, organizada polo Fight Club Galicia e o Rebouras Team, contou co apoio ademais de varios clubs galegos.
Os participantes na sesión realizaron un programa para todos os públicos, con exercicios técnicos e de luvas sen realizar contactos e evitando así o risco de lesións.
Segundo a organización, o obxectivo era deixar atrás "a imaxe de deporte agresivo e perigoso".
No adestramento estiveron varios integrantes da Selección Galega, como o boxeador local Aarón González ou o vigués Cristian González, que acudirán o próximo 22 de Abril ao Campionato de España de Boxeo Elite en Murcia.