Triunfo balsámico do Leis ante o Vilalba (4-0)
Por Redacción
Despois de seis partidos sen gañar o Leis Pontevedra recobrou sensacións na loita polo título despois de impoñerse xeito claro ao Vilalba FS (4-0).
O conxunto lerezano mantense así no liderado dunha apertada Terceira División de Fútbol Sala a catro xornadas para a conclusión do campionato.
O triunfo dos de Manu Cossío foi máis traballado do que indica o resultado final, pois a pesar do dominio lle custou moito lograr o primeiro tanto do partido, que tivo que esperar ata o segundo acto.
Tras romper Miguel a resistencia visitante co 1-0, o Vilalba estirouse e o Leis aproveitou a circunstancia para chegar con máis claridade á contra, aínda que tardou en sentenciar e os últimos goles, dous máis de Miguel e outro de Barcala, chegaron nos últimos minutos.
A próxima xornada os pontevedreses visitarán a pista do Troula Betanzos.
LEIS PONTEVEDRA (4): Rubén, Márquez, Abadín, Dani, Gustavo, Martín, Sergio Martínez, Sergio García, Barcala (1), Miguel (3).
VILALBA FS (0): Abadín, Piña, Yago, Joel, Roi, Paulo, Púas, Luis Vazquez, Miguilla, Luka, Aitor.
Árbitro: Andrés García Freiría e Alvaro García Freiría. (Vigo). Amoestaron ao local Sergio Martínez e ao visitante Luis Vazquez.
Incidencias: Partido disputado no Pavillón Municipal dos Deportes de Pontevedra.