A Cañota acolle un adestramento público de boxeo olímpico
Por Redacción
Os clubs Rebouras Team e Fight Club Galicia organizan este sábado 15 de marzo un adestramento público de boxeo olímpico no pavillón marinense da Cañota.
A xornada, que se desenvolverá de 16:30 a 19:00 horas, consistirá nun adestramento colectivo, con especial atención aos apartados técnicos e tácticos dun combate, ademais do traballo físico propio dunha sesión preparatoria.
A entrada ao encontro é de balde e aberta a todas as persoas interesadas en probar esta diciplina, polo que terá lugar unha charla sobre o boxeo sen contacto e boxeo de competición para mostrar "que calquera pode practicar este deporte sen ter que intercambiar golpes con outro compañeiro ou rival".
Entre os boxeadores que confirmaron a súa presenza encóntranse varios membros da Selección Galega.
A organización pretende ademais derrubar certos estigmas sobre o boxeo, animando a "coñecer a realidade que se vive nos ximnasios e non o deporte violento e agresivo que nos ensinaron as películas de cine".