Iago Novo: "Estamos con moitas ganas de reivindicarnos"
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
O Pontevedra Club de Fútbol tenta pasar páxina do sucedido en Santiago de Compostela para centrarse no seu próximo e esixente compromiso ligueiro coa visita ao feudo do CD Numancia.
O do Vero Boquete "foi un resultado que doeu porque sentimos que perdemos dous puntos, pero hai que aprender dos erros, repoñernos e ir a por os tres puntos a Soria", recoñeceu este mércores Iago Novo, protagonista na sala de prensa do Estadio Municipal de Pasarón.
Trátase dun duelo, o dos Pajaritos, que é "dos partidos que gusta xogar, dous equipos que son favoritos, e estamos con moitas ganas de reivindicarnos despois do empate co Compostela", afirma Novo.
O futbolista, unha das fichaxes que se fixo oco desde a primeira xornada no once titular de Yago Iglesias, asegura que "me estou atopando moi ben a verdade" dentro do equipo, e defende que gran parte do duelo no Estadio Vero Boquete porque "eses 70 minutos son a liña para seguir, fomos un equipo dominador, xogando ao que queriamos e sen que o Compostela crease perigo. Hai que seguir nesa liña e que sexan 90".
Novo eloxiou ademais ao próximo rival, un Numancia que "sabe ao que xoga e faino ben".
Relacionadas:
-
Un Numancia-Pontevedra tres décadas despois
Por Diego Espiño |
-
Borja Domínguez e o Pontevedra, a xuízo
Por Diego Espiño |
-
Un empate que reabre vellas feridas
Por Diego Espiño |
-
Yago Iglesias, tras o empate ante o Compostela: "Cando perdoas, págalo"
Por Almu Dapena |
-
O Pontevedra regala un empate ao Compostela no desconto (2-2)
Por Almu Dapena |