O Arxil inicia a pretempada o 2 de setembro
Por Redacción
O Club Baloncesto Arxil xa iniciou a conta atrás para a volta ao traballo, fixada para o luns 2 de setembro no Centro Galego de Tecnificación Deportiva.
Ese mesmo día efectuaranse as probas médicas e físicas, ademais do primeiro adestramento grupal coas xogadoras do primeiro equipo que estean dispoñibles, as canteirás e as vinculadas ao equipo de Primeira Nacional.
Este ano, ademais, o conxunto pontevedrés celebra o 40 aniversario do club, polo que para conmemorar esta data, programou catro partidos amigables, un deles o xoves 12 de setembro contra o Baxi Ferrol e outro ante o San Joannense portugués, que este ano competirá en Europa. Ambos os enfrontamentos serán no Pavillón Municipal ás 20:30 horas.
O Arxil tamén ten prevista a disputa da Copa Galicia e dous partidos ante un mesmo rival de Liga Endesa que anunciarán en breve. Este último encontro será os días 21 e 22 de setembro no CGTD.
Pola súa banda, as xogadoras de Primeira Nacional arrincarán os adestramentos o día 2, mentres que o Arxil júnior, cadete A e cadete B volverán á pista este luns 26 de agosto.
Relacionadas:
-
O Arxil de Liga Feminina Challenge ponse en marcha
Por Diego Espiño & Mónica Patxot |
-
Como unha conversación nun bar transformou o baloncesto feminino en Pontevedra
Por Almu Dapena & Cristina Saiz |
-
A internacional portuguesa Raquel Laneiro, guinda para o proxecto do Arxil en LF Challenge
Por Diego Espiño |
-
A base Laura Fernández, primeira fichaxe do Arxil
Por Redacción |
-
A internacional macedonia Nena Trajchevska seguirá no Arxil
Por Diego Espiño |
-
Heather Forster renova e asume o reto de LF Challenge co Arxil
Por Redacción |
-
Marta Fernández, quinta renovación no Arxil de LF Challenge
Por Redacción |
-
O Arxil renova á MVP Nerea Liste e a Miriam García
Por Redacción |
-
Margarita Moreira asina a renovación para a súa sétima tempada co Arxil
Por Oskar Viéitez |
-
Cristina Díaz-Pache, primeira peza do Arxil de Liga Challenge
Por Redacción |
-
Andrea Glomazic e Lorena Lorenzo din adeus ao Arxil
Por Redacción |