Poio Pescamar e Marín Futsal xa coñecen o calendario de liga, que comezará o 7 de setembro
Por Redacción
A Real Federación Española de Fútbol (RFEF) sorteou o calendario de competición da Primeira División de Fútbol Sala Feminino, na que volverán competir un ano máis tanto o Poio Pescamar como o Marín Futsal.
O calendario en todo caso debe aínda ser ratificado pola Asemblea Xeral da RFEF prevista para o día 30 de xullo.
A competición na máxima categoría do fútbol sala nacional dará comezo o sábado 7 de setembro, e farao cun longo desprazamento para o Poio, xa que o conxunto conserveiro estrearase na cancha do Grancanaria Teldeportivo.
O Marín Futsal pola súa banda debutará en casa, na Raña, recibindo ao AE Lles Corts catalán.
En canto á segunda xornada, o Poio xogará o seu primeiro encontro como local fronte ao Futsal Alcantarilla e as marinenses renderán visita ao Atlético Torcal.
O que non tardará en chegar é o primeiro 'Derbi da ría', xa fixado para a terceira data do campionato (21 de setembro) en Marín, con volta en Poio na xornada 19 (8 de febreiro).
A liga regular, que reparte cuarta prazas para o play-off polo título e contará con dous descensos, pecharase o 24 de maio cos partidos Marín-Alcantarilla e Poio Pescamar-Teldeportivo.
Consulta o calendario completo da Primeira División de Fútbol sala Feminino 24/25.
Relacionadas:
-
Rocío Molina convértese na quinta fichaxe do Poio Pescamar
Por Diego Espiño |
-
O Poio Pescamar renova a súa confianza en Anna Escribano
Por Redacción |
-
A fichaxe de 'Chuli' segue a dar forma ao novo proxecto do Poio Pescamar
Por Redacción & Mónica Patxot |
-
Batería de fichaxes no Marín Futsal con Rapha Martins, Patri Corral e Marga dos Santos
Por Redacción |
-
Miriam Ruiz, primeira fichaxe do Marín Futsal
Por Redacción |