Gran actuación de Aixa Corbacho e Sabela Martínez no Campionato de Europa de atletismo sub-18
Por Almu Dapena
Aixa Corbacho, do Atletismo Rías Baixas, e Sabela Martínez, da Sociedad Gimnástica, afrontaron durante esta semana a súa primeira gran experiencia internacional accedendo a senllas finais dos campionatos de Europa de atletismo sub-18 na localidade eslovaca de Banska Bystrica.
Corbacho accedeu coa quinta mellor marca (62.74m) á final de lanzamento de martelo de 3 quilogramos, onde repetiu o mesmo posto aínda que esta vez superando en máis de tres metros a súa anterior marca. Ademais, co seu lanzamento de 65.88 metros, a atleta do Rías Baixas conseguiu o récord galego sub-18 e a terceira mellor marca española.
No caso de Martínez, clasificouse para a final de 2.000 metros obstáculos a pesar de ter unha estrea accidentada cunha caída a falta de 500 metros. A atleta da Ximnástica repúxose enseguida, remontou cunha gran última volta e chegou en décimoquinta posición, accedendo á final só por dúas centésimas (6:50.53).
Sabela logrou un meritorio duodécimo posto cun crono de 6:54.95 na final polas medallas, onde a tamén española Nadia Soto colgouse o metal de bronce tras facer unha gran carreira na que fixo soñar co ouro.
Relacionadas:
-
Mario Revenga cun bronce pon a guinda para Gimnástica no Campionato de España Sub-23
Por Redacción |
-
Carla Santoro Cernadas segue crecendo no deporte inclusivo
Por Marisa Ciordia |
-
Hugo Casañas pulveriza outro récord nacional (e xa van 12 este ano)
Por Almu Dapena |
-
Dobrete da Gimnástica no Campionato Galego de Clubs
Por Redacción |
-
Sabela Martínez colga o ouro no Campionato de España Sub-18 en pista cuberta
Por Redacción |