Satisfacción no Galaico, que conclúe o Nacional Infantil e Júnior cun sexto posto por equipos
Por Diego Espiño
A piscina olímpica de Ponte Muíños deixa atrás catro días de intensa competición no Campionato de España Infantil e Júnior de natación.
Máis de 700 nadadores déronse cita no Complexo Deportivo Rías do Sur nun evento que finalizou cun sexto posto por equipos para o Club Natación Galaico na clasificación infantil feminina, malia comparecer con só tres deportistas con marca mínima máis a participación do relevo.
Este resultado, segundo o presidente do club, José Miguel Cano, supón todo un éxito: "a nivel organizativo estamos muy contentos y además quedar sextos por equipos con sólo seis nadadores es todo un logro".
No plano individual, na última xornada disputada este domingo, Águeda Cons logrou un meritorio quinto posto nos 400 metros estilo libre, mesma disciplina na que Inés Gómez e Nuria Erselle finalizaron no décimo terceiro e décimo sexto lugar respectivamente.
Pola súa banda Paula Goyanes, en categoría júnior, concluíu novena nos 200 bolboreta e en décimo sétimo lugar nos 200 estilos tras renunciar a nadar a final B.