![](/web/cache/scene/uploads/fotos/foto/5a6/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/668bd86c47-antia-y-daniela..jpg)
© Galaico Sincro
Daniela Suárez, dobre bronce no campionato de España de natación artística
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/6cc/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/668bd8a5d9-daniela-medalla-de-bronce-cpto.-espana-junior..jpg)
© Galaico Sincro
![](/web/cache/scene/uploads/fotos/foto/361/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/668bd8efed-laura-y-juancho..jpg)
© Galaico Sincro
Os éxitos deportivos da pontevedresa Daniela Suárez non se deteñen. A nadadora do Galaico Sincro colgou unha dobre medalla de bronce no campionato de España júnior e absoluto de natación artística que se celebrou en Oviedo.
A participación de Suárez nestes campionatos comezou, xunto coa súa compañeira Antía Riveiro, na rutina de dúo técnico, na que quedaron na quinta praza; e na rutina libre, na que acabaron clasificadas na novena posición.
Foi na rutina de só técnico na que Daniela situouse como a terceira mellor nadadora de España en categoría júnior, posto que repetiu na rutina libre.
Só a superaron as súas compañeiras de selección Isabel Shuang e Rocío Calle, que colgaron o ouro e a prata, respectivamente.
Neste nacional, que se disputou nas piscinas do Parque do Oeste de Oviedo, competiron outros dous deportistas do Galaico Sincro, Laura Arias e Juancho Hernández, que quedaron cuartos na rutina de dúo mixto en categoría absoluta.
Relacionadas:
-
Iván González e Clara Maquieira danlle ao Galaico Sincro un bronce nacional en categoría infantil
Por Redacción |
-
Dous ouros e un bronce, o extraordinario balance de Daniela Suárez no Europeo júnior de natación artística
Por Redacción |
-
Daniela Suárez, primeira galega convocada polo equipo nacional absoluto de natación artística
Por Diego Espiño |
-
O Galaico Sincro celebra a medalla de bronce de Iván González no Nacional Infantil
Por Redacción |