Valioso punto do Poio FS (2-2) a domicilio fronte ao Gironella
Por Redacción
Alternativas e emoción ata o asubío final. O Poio FS obtivo un meritorio e importante punto na sempre complicada pista do Gironella, tras un partido no que comezaron mandando as de Marcio Santos, para sufrir logo a remontada das catalás e rematar igualando o marcador cun gol de Claudia, que lle dá un punto para achegarse ao obxectivo da permanencia.
Adiantábase o Poio aos tres minutos de xogo cun gol de Ceci á saída dun saque de esquina. As "rojillas" defendíanse ben, pero pouco antes do descanso o equipo local conseguía empatar por medio de Claudia Pons, cun bo disparo ao segundo pau.
A segunda parte comezou con lixeiro dominio local pero sen demasiadas ocasións de perigo, ata que no minuto 27 Celia, despois dun roubo en metade de pista, cun forte remate adiantaba as catalás.
Non se rendeu o Poio, que conseguiu a igualada a falta de catro minutos, nun remate de Claudia, que supera a Berta por raso. Intentouno o Gironella co xogo de cinco a menos de dous minutos para o final, pero as visitantes pecharon filas asegurando un merecido e importante punto.
GIRONELLA FS (2): Raquel; Miriam Arana, Anna Riera, Claudia Pons, Piar -cinco inicial-, Ingrid Vieites, Celia, Berta e Lidia.
POIO FS (2): Silvia; Charo, Claudia, Ceci, Elena -cinco inicial-, Paloma, Yoly, Peke, Kiko e Carmen.
Árbitros: Marc Gómez e Cristian Velázquez (Colexio catalán). Amoestaron a Pilar, no Gironella, e a Silvia, no Poio.
Goles: (0-1) Minuto 3: Ceci. (1-1) Minuto 17: Claudia Pons. (2-1) Minuto 27: Celia. (2-2) Minuto 36 Claudia.
Incidencias: Pavillón Municipal de Gironella (Barcelona). Uns 150 espectadores.