O francés Leo Van Gysel seguirá no Bádminton Ravachol
Por Redacción
Manter o bloque que alcanzou as semifinais polo título de liga na División de Honra é unha das prioridades do Club Bádminton Ravachol Pontevedra, e nesas está o conxunto pontevedrés.
Así, tras renovar ao seu capitán Gabriel Fernández e á elixida como mellor jugadra da liga o último ano Georgina Bland, agora o Ravachol confirmou a continuidade doutro dos seus xogadores internacionais, o francés Leo Van Gysel.
O subcampión nacional de Francia de 2024, con só 22 anos, afrontará así o seu terceiro curso no primeiro equipo pontevedrés.
Unha renovación que se produce a pesar de que nos últimos meses non puido ir convocado de maneira habitual debido á necesidade do Ravachol de reforzar o equipo feminino e estar limitada a cota de estranxeiros que poden actuar de maneira simultánea.
Aínda así "Leo é un deses xogadores que nos gusta ter no equipo, é comprometido e sempre está disposto a achegar, aínda que as circunstancias non sempre nos permiten poder dispoñer del. Nestes anos demostrou ser un seguro de vida no individual, e tamén fixo achegas en probas que non son a súa especialidade. Estamos felices de seguir contando con el e esperamos que sexa por moitos anos", explica o director deportivo do Ravachol, Jesús Pereiro.
Ademais das renovacións, o responsable do Bádminton Pontevedra avanza que se están a negociar "algunhas fichaxes" co obxectivo de conseguir un salto máis de calidade no persoal.
Relacionadas:
-
Sufrido triunfo do Bádminton Ravachol na estrea da tempada en División de Honra
Por Diego Espiño & Cristina Saiz |
-
O Bádminton Ravachol Pontevedra soña con loitar polo título coa chegada da campioa Lucía Rodríguez
Por Mónica Patxot & Anxo Lourido |
-
Jacobo Fernández únese ás renovacións do Bádminton Ravachol
Por Redacción |
-
Quinta tempada consecutiva de Georgina Bland co Bádminton Ravachol
Por Redacción |
-
O Bádminton Ravachol comeza a planificar a súa quinta tempada consecutiva en División de Honra
Por Redacción |
-
Georgina Bland, elixida mellor xogadora da tempada na División de Honra de Bádminton
Por Diego Espiño |
-
O Bádminton Ravachol cae con honra en Sevilla nas semifinais polo título de liga
Por Diego Espiño |