Iria Tilve, Nicolás Braña e o Poio Pescamar, premios San Xoán 2024
Por Redacción
O Consello Municipal de Deportes de Poio fallou a relación de galardoados dos Premios San Xoán 2024 ao deporte local.
En concreto, avanza o Concello de Poio, este ano recoñecerase a traxectoria dos piragüistas Iria Tilve e Nicolás Braña como mellores deportistas feminina e masculino, así como ao equipo sénior feminino do Poio Pescamar.
O xurado valorou a medalla de ouro lograda por Tilve no Campionato de España Sprint de Piragüismo, así como o subcampionato mundial sub-23 conseguido por Nicolás Braña. Con respecto ao Poio Pescamar, cabe destacar que esta tempada ademais de chegar ás semifinais polo título de liga foron campioas da Copa Xunta e subcampioas da Supercopa de España.
Ademais acordouse facer mencións especiais a Lorena Nieto Pérez (kaiak-polo), Laura Alonso González (ximnasia rítmica), Cristina Expósito Rial (piragüismo), Lara Rodríguez Pintos (piragüismo), Lola Ferro Guiance (ximnasia rítmica), Carolina Santos Villalón (atletismo), Sabela Martínez Peón (atletismo), Xulia Losada Carramal (taekwondo), Noa Muñiz Arís (kickboxing), Sofía Fernández Fernández (kickboxing), Martín Expósito Rial (piragüismo), Diego Piñeiro Pereira (piragüismo), Kike Muñiz Muñoz (kickboxing), Germán Utesá Martínez (kickboxing), Marco Utesá Martínez (boxeo) e Naim Sequera Figueiras (taekwondo), así como aos equipos masculino e feminino do Poio Balonmán Artai, Veteráns Club Atlético de Combarro, o prebenxamín mixto de fútbol sala Poio, Veteráns Atlético Peña Rácing, os equipos benxamín e xuvenil de fútbol base Poio, o equipo C-4 do piragüismo composto por Alejandro Gómez Rodríguez, Manuel Rey Rodríguez, Ismael Caldas Iglesias e Nicolás Braña Rial, e o de C-2 formado por Alba Rodríguez Requejo e Iria Tilve Señoráns.
Os Premios San Xoán 2024 entregaranse o vindeiro sábado 22 de xuño coincidindo coa lectura do pregón das festas.
Relacionadas:
-
Poio inicia seis días de festa para recibir o verán a golpe de "tradición, música, cacharelas e gastronomía"
Por Redacción |
-
Lara Balseiro e Carla Ayensa estrean o capítulo de baixas no Poio Pescamar
Por Redacción | Creada e actualizada
-
Poio habilitará nove aparcamentos disuasorios durante as Festas de San Xoán
Por Redacción |
-
O Burela acaba co soño dun combativo Poio Pescamar (6-1)
Por Diego Espiño |