A loita olímpica sae á rúa para promocionar o Mundial U20 de Pontevedra
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/db8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/666990857c-img_20240612_112626.jpg)
© PontevedraViva
![](/web/cache/scene/uploads/fotos/foto/136/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6669909e4a-img_20240612_112325.jpg)
© PontevedraViva
O Campionato do Mundo U20 de Loitas Olímpicas que se celebrará o próximo mes de setembro saíu este mércores á rúa para promocionarse da mellor maneira posible, visibilizando o seu deporte ante escolares da cidade.
En dous improvisados tapices instalados na Praza de España, ao redor dun cento de alumnos de Primaria dos colexios Álvarez Limeses, Froebel e San José divertíronse participando en xogos relacionados coa loita.
"Nunca fixemos algo parecido, sempre quedabamos pechados no pavillón ou nos centros educativos, pero sacalo fóra é un sopro de aire fresco", recoñeceu o director técnico da Federación Galega de Loita, Pablo Pintos.
Ademais da actividade lúdica repartíronse entradas para o Campionato do Mundo "para que todos os nenos teñan presente que en setembro teñen unha cita aquí en Pontevedra cos mellores deportistas".
A promoción do Mundial U20 de Loita contou co apoio a presenza do alcalde de Pontevedra, #Miguel Anxo Fernández Lores, e do director do Centro Galego de Tecnificación Deportiva, Jesús López.
Relacionadas:
-
Pontevedra avanza na organización do Mundial Sub-20 de Loitas Olímpicas
Por Redacción |
-
VÍDEO.- Pontevedra presenta o vídeo prmocional do Campionato do Mundo U20 de Loita que acollerá en setembro
Por Diego Espiño |
-
Ao redor de "2.000 deportistas de 70 países" competirán en Pontevedra no Mundial Sub-20 de Loitas Olímpicas
Por Diego Espiño |