160 atletas adestrarán no CGTD repartidos nas súas trece especialidades
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Ata 160 atletas volverán a adestrarse na tempada 2024-2025 nas instalacións do Centro Galego de Tecnificación Deportiva de Pontevedra, no que estarán dispoñibles ata trece especialidades.
De todas elas, un máximo de 105 prazas estarán reservadas para o grupo de tecnificación -84 residentes e 21 externos- que se distribuirán entre os cursos de 3º e 4º da ESO e 1º e 2º de Bacharelato.
As outras 55 prazas serán para o grupo de rendemento, doce deles residentes (non podendo ser máis de sete do mesmo sexo e como máximo catro da mesma sección deportiva) e o resto externos ata completar as prazas ofertadas.
En ambos grupos, tanto no grupo de tecnificación coma no de rendemento, resérvanse un 5% das prazas ofertadas para persoas con discapacidade e outro 10% para seren ocupadas durante todo o curso académico en función de situacións de urxencia ou necesidade.
Haberá prazas de tecnificación para atletismo lanzamentos (4), bádminton (7), judo (8), loita (7), natación pura e augas abertas (6), natación artística (5), piragüismo slálom (4), piragüismo (17), remo (4), taekwondo (8), tríatlon (7), vela (4) e ximnasia (3).
Relacionadas:
-
Volta a normalidade no CGTD tras o fin das obras na pista de atletismo
Por Diego Espiño |
-
Clubs e atletas, obrigados a buscar alternativas para adestrar polas obras na pista do CGTD
Por Diego Espiño |
-
Licitan por 257.000 euros a renovación da instalación de protección de incendios do CGTD
Por Redacción |