Luisito e o Arosa separan os seus camiños
Por Diego Espiño
A etapa de José Luis Míguez 'Luisito' no banco do Arosa chegou ao seu fin.
O club arlequinado confirmou este xoves que o técnico de Teo non continuará no equipo a próxima tempada, poñendo así fin a máis de dúas campañas na Lomba.
Luisito aterrou no Arosa en abril de 2022, co equipo loitando por salvar a categoría en Segunda RFEF. Non o logrou pero asumiu o reto de tentar devolver o equipo a esa división.
No seu primeiro intento, e tras loitar co Fabril ata a última xornada pola praza de ascenso directo, terminou cedendo na última eliminatoria do play-off fronte ao Racing Villalbés. Esta campaña pola súa banda o primeiro posto quedou lonxe, pero si repetiu presenza na fase de ascenso sendo eliminados pola UD Ourense.
"O Arosa agradécelle o seu traballo e compromiso en todo este tempo e deséxalle sorte no futuro", sinala a entidade da Lomba tras facer oficial a saída de Luisito.
Relacionadas:
-
O Arosa acelera na planificación: Pacheco renova e Noel Chaves sobe ao primeiro equipo
Por Diego Espiño | Creada e actualizada
-
Manu Táboas despídese do Arosa despois de seis tempadas: "Sempre pensei que me retiraría neste club"
Por Diego Espiño |
-
Primeiras baixas nun Arosa que arrinca a planificación da nova tempada
Por Redacción |
-
Míchel Alonso: "Non veño adestrar a Terceira RFEF, veño adestrar o Arosa e sei o que supón"
Por Diego Espiño |
-
Míchel Alonso, novo adestrador do Arosa
Por Redacción |
-
O Arosa despídese da fase de ascenso tras caer na Lomba contra a UD Ourense
Por Redacción |
-
O Arosa aférrase ao balón parado para empatar ante a UD Ourense (2-2)
Por Redacción |