Antía Chamosa logra a mínima para participar nos Xogos Olímpicos de París
Por Almu Dapena
Antía Chamosa conseguiu este sábado o rexistro mínimo para participar nos Xogos Olímpicos de París 2024 nos 20 quilómetros marcha do Gran Premio Internacional de Marcha Cantóns da Coruña.
A atleta pontevedresa cruzou a liña de meta na décimo segunda posición e un tempo de 01:29:07 que, ademais de supoñer un novo récord galego absoluto, permítelle entrar na loita por un posto nas olimpíadas deste verán.
Con Chamosa, España ten cinco atletas coa mínima para pelexar polas tres prazas individuais, polo que deberá esperar para saber se irá a París. Desas tres, dous xa están outorgadas a Cristina Montesinos, campioa de España, e a María Pérez, campioa do mundo.
A gañadora da proba foi a peruana Kimberly García e a mellor española foi Laura García Caro cun quinto posto.
DANI CHAMOSA, NOVO RÉCORD GALLEGO
A Sociedade Gimnástica estivo dobremente representada na Coruña, e é que Daniel Chamosa, igual que fixera a súa irmá minutos antes, estableceu un novo récord galego absoluto tras completar os 20 quilómetros en 01:20:15. O pontevedrés foi vixésimo sexto na clasificación xeral.
Relacionadas:
-
Antía Chamosa non participará no relevo mixto de marcha nos Xogos Olímpicos por decisión do seleccionador
Por Redacción |
-
Dani Chamosa gaña o bronce nos dez quilómetros marcha do Campionato de España
Por Almu Dapena |
-
Antía Chamosa, subcampioa de España nos 10 quilómetros marcha
Por Alejandro Espiño |
-
Antía Chamosa estará nos Xogos Olímpicos como opción da remuda mixta de marcha
Por Diego Espiño |
-
Ao equipo feminino da Gimnástica escápaselle o ascenso a División de Honra
Por Redacción |
-
A Gimnástica métese na final polo título e certifica pola vía rápida a súa permanencia na División de Honra
Por Diego Espiño |
-
Antía Chamosa, bronce mundialista por equipos nos 20 quilómetros marcha
Por Almu Dapena |
-
Antía Chamosa, preseleccionada para o Mundial de Marcha por Equipos pero sen praza na remuda mixta
Por Diego Espiño |
-
Antía Chamosa, convocada ao criterium no que España probará a remuda mixta de marcha pensando en París 2024
Por Diego Espiño |