Julián Ortiz, a por medalla no Nacional de Atletismo en Pista Cuberta
Por Redacción
O atleta da Sociedad Gimnástica Julián Ortiz será un dos representantes do club pontevedrés no próximo Campionato de España Absoluto en Pista Cuberta, ao que chega nun grande estado de forma.
Ortiz, que na pasada Copa do Rei correu os 60 metros valos en 7.91, mellorando a súa marca persoal nunha décima, aspira a subirse ao podio e lograr así a súa primeira medalla en categoría absoluta.
O ano pasado unha lesión impediulle estar presente no Campionato de España, pero dentro de dez días poderá sacarse a espiña en Sabadell. Para iso, moi probablemente, deberá parar o cronómetro en menos 7.90 segundos.