As lesións seguen a castigar o Cisne: Carlos Pombo, K.O.
Por Diego Espiño
Nin unha semana sen contratempos para o Club Cisne Balonmán, ao que parece terlle mirado un chosco coas lesións esta tempada.
Cando a súa enfermería parecía baleirarse por completo, coa volta ás canchas de homes importantes como Roney Franzini, Bruno Vázquez ou Alejandro Conde, outra das pezas máis usadas por Jabato na rotación, o lateral Carlos Pombo, caeu para unhas cantas semanas.
O primeira liña caeu lesionado o pasado martes 23 de xaneiro durante un adestramento, causando baixa no encontro da fin de semana fronte ao Novás, e agora o club confirmou o seu diagnóstico e non é especialmente positivo.
Pombo sofre "unha rotura no músculo semimembranoso esquerdo", polo que o seu regreso tardará aínda un tempo en producirse.
PARTE MÉDICO | Carlos Pombo sufriu unha lesión mentres adestraba o pasado martes. O parte médico indícanos que ten unha rotura no músculo semimembranoso esquerdo.
— Club Cisne Balonmano (@ClubCisneBalonm) January 29, 2024
Estamos contigo, Carlos! Moito ánimo! pic.twitter.com/TK8EJkQsGS
O lateral súmase así a unha enfermería na que tamén está o lesionado de longa duración Carlos Ocaña, recentemente operado do seu xeonllo.
Polo menos Jabato poderá contar desde esta semana coa recente incorporación do equipo, o central pontevedrés Víctor Fernández, cedido polo Ademar e que xa se exercita cos seus novos compañeiros apuntando á próxima xornada de liga, coa visita á pista do San Pablo Burgos.
Relacionadas:
-
Investigadores da UVigo avalían a evolución física do primeiro equipo do Cisne
Por Redacción |
-
O Cisne retoma o voo á conta do Ciudad Real (27-22)
Por Almu Dapena & Cristina Saiz |
-
O Barça Atlètic alonga a mala serie do Cisne (22-28)
Por Almu Dapena & Cristina Saiz |
-
Derbi Novás-Cisne na segunda rolda da Copa do Rei
Por Redacción |
-
"Partido moi duro" do Cisne en casa do líder Burgos
Por Redacción |
-
Empate con sabor a derrota para un Cisne que desaproveitou a súa vantaxe (28-28)
Por Almu Dapena & Cristina Saiz |
-
O Guadalajara corta as ás a un Cisne durmido (33-25)
Por Almu Dapena |
-
O ABC Braga supera a Cisne e Teucro para facerse co III Torneo Cidade de Pontevedra
Por Redacción & Mónica Patxot |
-
Carlos Ocaña, K.O. para o resto da tempada
Por Diego Espiño |
-
Rubén Etayo recibe a alta e alivia unha aínda ocupada enfermería do Cisne
Por Diego Espiño |