O ABC Braga supera a Cisne e Teucro para facerse co III Torneo Cidade de Pontevedra
Por Redacción & Mónica Patxot
Xornada de balonmán a deste martes 9 de xaneiro no Pavillón Municipal dos Deportes, coa celebración do III Torneo Interncional Cidade de Pontevedra.
Os dous equipos locais, Cisne e Teucro, buscaban afinar a súa posta a punto para o inminente regreso da competición ligueira tanto na División de Honra Prata como en Primeira Nacional, e facíano cun triangular ao que estaba convidado o ABC Braga portugués.
Foron precisamente Teucro e Cisne os encargados de abrir a xornada ás 18.15 horas da tarde co derbi, nun partido de 40 minutos de duración. Certo é que non era un duelo oficial con puntos en xogo, pero era un derbi e iso sempre o converte nunha cita especial pola sa rivalidade entre ambos.
O choque comezou con ritmo e igualdade, dominando de inicio o conxunto teucrista, pero conforme aproximábase o descanso o Cisne tomou o mando para xa non soltalo, chegando 16-12 ao intermedio e aguantando nun segundo tempo de menor ritmo ata o 23-21 final.
Chegaba despois a quenda do ABC Braga, que primeiro se medía ao Teucro con triunfo portugués por 13-21 e que despois pechaba o torneo fronte ao Cisne cun resultado de 21-24 que lle daba ademais o Trofeo Cidade de Pontevedra.
Relacionadas:
-
As lesións seguen a castigar o Cisne: Carlos Pombo, K.O.
Por Diego Espiño |
-
O Teucro aférrase á vitoria ante o Ribeiro (26-23)
Por Redacción & Cristina Saiz |
-
Irene Vilaboa continuará por quinta tempada consecutiva á fronte do Teucro
Por Oskar Viéitez |
-
Primeira vitoria do ano do Teucro (33-29)
Por Redacción & Cristina Saiz |
-
O Guadalajara corta as ás a un Cisne durmido (33-25)
Por Almu Dapena |
-
Carlos Ocaña, K.O. para o resto da tempada
Por Diego Espiño |
-
Martes de balonmán con derbi no III Torneo Internacional Cidade de Pontevedra
Por Diego Espiño |