Tripla fronte aberta para o Waterpolo Pontevedra no seu regreso á competición
Por Redacción
Despois dun longo parón do Nadal o Club Waterpolo Pontevedra regresa a fin de semana á competición, e faino cunha tripla fronte aberta.
O principal será a primeira xornada do ano para o seu equipo absoluto feminino na primeira fase da Liga Nacional de Primeira División, nun duelo clave para as súas aspiracións de permanencia.
As pontevedrés visitarán a piscina do CW Elx ilicitano o sábado a partir das 17.00 horas.
O Elx, equipo ao que superaron pola mínima no choque da primeira volta, é actualmente o último clasificado, pero só con dous puntos menos que o CW Pontevedra,
CAMPIONATO GALEGO NO CGTD
A nivel de base a piscina do Centro Galego de Tecnificación Deportiva (CGTD) será unha festa para os máis pequenos coa celebración do Campionato Gallego Benxamín Mixto de inverno.
Na cita, a partir das 16.00 horas, participarán os equipos do CW Santiago, CW Coruña Rías Altas e dous equipos do CW Pontevedra.
A fin de semana para o Waterpolo Pontevedra completarase en Vigo con tres encontros das ligas galegas fronte ao RCN Vigo. Alí xogaranse os choques entre ambos os clubs na División de Honra Masculina co liderado en xogo (13.30 horas), en idade cadete (14.45 horas) e na categoría infantil mixta (15.45 horas).
Relacionadas:
-
Importante triunfo nos penaltis para o Waterpolo Pontevedra (7-10)
Por Redacción |
-
Un centenar de deportistas participa no tradicional festival de Nadal do Club Waterpolo Pontevedra
Por Redacción |
-
Dura derrota para despedir o ano do Waterpolo Pontevedra
Por Redacción |
-
Derrota do Waterpolo Pontevedra en Sevilla (13-9)
Por Redacción |
-
Derrota pola mínima do Waterpolo Pontevedra ante o Turia (12-13)
Por Redacción |