A FIFA outorga oficialmente ao pontevedrés Alejandro Muñiz a categoría de árbitro internacional
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Alejandro Muñiz Ruiz xa é, oficialmente, árbitro internacional. Así o comunicou este luns o máximo organismo do fútbol mundial, a FIFA, á Real Federación Española de Fútbol.
O colexiado pontevedrés, que vive a súa terceira campaña como colexiado na Primeira División, alcanza así a elite internacional como árbitro principal tras ser proposto o pasado mes de xuño polo Comité Técnico de Árbitros.
Ademais da súa participación na máxima categoría española, na que acumula xa 46 encontros dirixidos, Muñiz Ruiz participou nos últimos meses en nove encontros de competición europea, entre Europa League e Conference League, pero sempre como cuarto árbitro.
Javier Alberola Rojas e Eugenia Gil Soriano son os outros dous colexiados españois que foron ascendidos á categoría internacional, poñendo a cota nacional en 15 árbitros.