Entradas a un euro para o Marín-Pontevedra de Copa Deputación
Por Redacción
O enfrontamento de Copa Deputación entre Marín e Pontevedra, o próximo xoves 27 de febreiro en San Pedro (21:30 horas), uniu a directiva do club marinense e a Asociación de Peñas do Pontevedra.
Así dende o Marín se propuxo aos peñistas un importante desconto a través da venda anticipada das entradas para o partido.
Dos cinco euros que custará presenciar o partido, se se adquire un billete dende este martes e ata o día 26, o importe será de tan só un euro.
As peñas granates colaborarán co club veciño habilitando puntos de venda en Pontevedra, concretamente nas cafetarías Blossom, Tamanaco, Arriondo e o bar Timón.
Pola súa banda en Marín poderanse retirar entradas no Campo de San Pedro para un partido no que os socios do club tamén terán que pasar pola billeteira.
DESPRAZAMENTO DE AFECCIONADOS A BERTAMIRÁNS
A Asociación de Peñas anunciou ademais que habilitará un autobús para apoiar ao equipo granate no encontro de liga do próximo domingo en Bertamiráns (16:30 horas).
O prezo da viaxe é de 15 euros coa entrada para o choque incluída, tendo que anotarse os interesados nos despachos de Pasarón de martes a venres de 18:00 a 20:00 horas.