María Vázquez, candidata aos Premios Feroz polo seu traballo en "Matria"
Por Alejandro Espiño
Matria estará nos Premios Feroz. Farao grazas á protagonista, María Vázquez, que é unha das cinco actrices candidatas na categoría de mellor actriz protagonista dunha película.
Vázquez comparte candidatura con Malena Alterio por Que nadie duerma, Laia Costa por Un amor, Kiti Mánver por Mamacruz y Carolina Yuste por Saben aquell.
En Matria, película dirixida por Álvaro Gago e producida pola compañía pontevedresa Matriuska Producciones, a actriz encarna a Ramona, unha muller de corenta anos, que vive sumida nun contexto laboral e persoal tenso e precario nun pobo da costa galega.
Fai malabarismos con múltiples traballos para manterse á boia e proporcionar un futuro mellor á súa filla Estrella. Pero cando a moza está preparada para tomar o seu propio camiño, Ramona dáse conta de que, por primeira vez, pode facer algo por si mesma.
Os Premios Feroz 2024, que organiza cada ano a Asociación de Informadores Cinematográficos de España (AICE), entregaranse en Madrid o venres 26 de xaneiro.
A lista de nomeados en todas as categorías pódese consultar nesta ligazón.
Relacionadas:
-
"Matria" estará nos Goya 2024: María Vázquez e o seu director, Álvaro Gago, entre os candidatos
Por Alejandro Espiño |
-
Gran acollida no Principal á proxección especial de 'Matria'
Por Mónica Patxot & Redacción |
-
María Vázquez: "Se non tes case para vivir, non tes liberdade para tomar decisións e saír de entornos tóxicos"
Por Alejandro Espiño |
-
"Matria" chega ao Festival de Málaga entre aplausos e o entusiasmo da crítica
Por Alejandro Espiño |