Zapiráin investiga sobre a acuarela na súa mostra 'Sen aire'
Por Redacción
Eduardo Zapiráin presenta dende este 31 de xaneiro, a partir das 20.00 horas, os seus últimos traballos pictóricos na exposición individual 'Sen Aire', que se pode visitar na galería About Art de Pontevedra.
O artista vasco mostra na súa primeira exposición en Pontevedra obras realizadas con diversas técnicas, como a acuarela e o acrílico, plasmadas en diversos soportes como o papel ou a madeira. Zapiráin caracterízase pola súa investigación a partir da técnica da acuarela, pero explora tamén con pezas tridimensionais.
En todas as súas pezas investiga novas formas a través doutras técnicas ás que lles confire unhas características similares á da acuarela. Os seus traballos destacan pola súa frescura, delicadez e colorido. Ademais, jueva coa perspectiva das formas para intentar ofrecer resultados sorprendentes.
Zapiráin reside dende 2008 en Nigrán onde realiza traballos pictóricos e escultóricos.
A mostra pódese visitar ata o 14 de febreiro, de martes a venres de 11 a 14 horas e de 17.30 a 20.30. Os sábados pódese visitar en horario matinal.