Logo da Panorama, Raxó agarda pola Orquestra da Universidade de Santiago
Por Redacción
Os concertos de Panorama e Álvaro de Luna reunirón en Raxó a miles de persoas. O luns será o concerto Música en Camiño coa Orquestra da Universidade de Santiago de Compostela.
Obviamente trátase dunha proposta cultural diferente para achegar a música clásica á veciñanza.
A actuación será no Porto de Raxó ás 20.30 horas, e ten acceso de balde ata completar capacidade.
Este venres o alcalde de Poio, Ángel Moldes, presentou o concerto, xunto ao director da orquestra, Mario Diz, e representantes da asociación veciñal A Laxe e da S.C.D. Raxó, que tamén colaboran. É a primeira vez que esta orquestra actúa en Poio e o fará, ademais, nunha contorna excepcional como é o Porto de Raxó.
Así o recordou Diz, que adiantou que o repertorio do concerto é adaptado á tempada estival. O programa, baixo a batuta do profesor Iago Lariño, arrincará coa Obertura Carnaval Romano de Héctor Berlioz, para seguir co Concerto para contrabaixo e orquestra nº2 de Giovanni Botessini con Dina Durán, integrante durante o presente curso da USC, como solista.
Continuará coa interpretación das catro primeiras Danzas Eslavas do compositor Antonín Dvořák e rematará co intermedio da Voda de Luis Alonso, afamada partitura do xénero da zarzuela.
Con Música en Camiño, sinalou Moldes, ábrese unha oportunidade para gozar da música clásica e de orquestra ao aire libre, unha proposta musical pouco habitual nas programacións culturais estivais e que, por iso, tamén a fai aínda máis especial.
A Orquestra da USC naceu en 2010 e ten por obxectivo impulsar entre a mocidade universitaria e, por extensión na cidadanía de Compostela, un proxecto educativo e cultural que ten a música como eixe central.
Relacionadas:
-
O programa "Violencia Zero" trae á Praza do Mosteiro de Poio a peza "As voces da Conciencia"
Por Redacción |
-
Combarro acollerá o espectáculo de Kubo, a orquestra co camión-escenario máis grande de Europa
Por Redacción |
-
Panorama e Álvaro de Luna actuarán esta semana en Poio
Por Redacción |
-
Música, cultura e bandeiras para todos para conmemorar o "o orgullo de ser galegos de Poio"
Por Redacción |
-
O festival Chalaniña trae a Lourido espectáculos gratuítos para toda a familia
Por Redacción |