![](/web/cache/scene/uploads/fotos/foto/7c0/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/64c9237bb2-presentacion-1.jpg)
© Concello de Sanxenxo
Arra propón unha fin de semana de pintura e gastronomía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A parroquia sanxenxina de Arra converterase esta fin de semana nunha cita imprescindible da degustación de produtos típicos da gastronomía galega e da pintura ao aire libre coa XXII Feira Gastronómica de Produtos Galegos e o VIII Certame de Pintura Rápida.
A concelleira de Cultura e Eventos, Elena Torres, e o presidente da Asociación Cultural San Cayetano de Arra, Bruno Vidal, presentaron ambas as citas este martes una das salas do Priorado de Arra.
A convocatoria artística contará ademais cun incremento dos premios en metálico cos que se superarán os 3.500 euros e xa se roza a trintena de rexistrados.
Baixo a carpa que se sitúa nunha das chairas exteriores da praia de Montalvo poderase degustar polbo, churrasco, empanada… a prezos populares. Tamén se poderán adquirir artigos de artesanía e gozar de boa música e baile tradicional.
O venres 4 de agosto, ás 12:30 horas os postos de degustación e artesanía abrirán as súas portas. Ás 23 horas os asistentes poderán gozar coa actuación do grupo La Reina del Vudú e discoteca móbil Studio 21.
O sábado 5, ademais da degustación, dará inicio a Exposición de Artesanía Galega. Ás 22 horas comezará o VIII Serán dos Loureiros coa actuación do grupo folclórico Soalleira. Ás 23 horas, actuación do cantautor Rafa Aguín e, a partir de media noite, haberá degustación gratuíta de queimada.
O domingo 6, volverá abrir a carpa de degustación e artesanía en horario habitual. A xornada estará marcada polo Certame de Pintura Rápida.
Relacionadas:
-
Dan 20 días de prazo para revisar todas as balaustradas do edificio de Sanxenxo no que cedeu un balcón, causando catro feridos
Por Diego Espiño & Natalia Puga |
-
Primeiras palabras do rei emérito en Sanxenxo: confirma que regresará "muchas veces"
Por Natalia Puga |
-
Nin o 'Bribón' pode competir en diversión co Campionato Mundial de 'Colchonetas'
Por Redacción |