RADIO.- Que atopan neste produtor musical pontevedrés desde en Rusia, Ucraína, Australia ou EEUU que non ven aquí?
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Buscarse un oco profesional non require unha presencialidad física nesta segunda década do século XXI. Así se resolve polo menos da charla que no podcast 'Cara a cara' temos co pontevedrés Aarón Silva, ou MisterMyr, como se fai chamar nos seus perfís sociais e profesionais. Preséntase como produtor musical, compositor de bandas sonoras e artista multixénero.
Ten formación musical regrada, formou parte de bandas de rock e metal, de orquestras e realizado colaboracións con outros artistas. En solitario foi músico de rúa en Santiago, pero "queimeime porque me sentía mal por poder molestar aos comercios, por ter que repetir o repertorio que tiña", logo veu a pandemia e a escaseza de turistas. Tamén fixo de "freelancer" en diferentes actividades, algunhas difíciles de imaxinar ou mesmo de aceptar, como foi algún caso segundo comenta.
O seu maior logro como músico ata a data comezou en 2019. A finais dese ano o videoxogo 'Neon Flytron' para o que compuxo a banda sonora comezou a xerar en Google unha cantidade de diñeiro, digamos que estimable. "Case 20.000 euros, pero cando quixemos cobrar, o goberno ucraíno - o desarrollador é un mozo residente en Crimea -, quedou cunha burrada do que se xerou, polo que tivemos que repartir algo máis de mil euros".
Non é o único mercado para o que compón e produce, tamén o fixo para unha deseñadora de moda americana ou, como relata no podcast, para a Armenian Film Society. Todo a través da rede e as súas diferentes ferramentas, ningún contacto persoal: "creo que en persoa, non coñezo a ninguén con quen fixese videoxogos. Se o penso, traballei con xente de Letonia, Rusia, Ucraína, Australia e Estados Unidos, pero persoalmente non coñezo a ninguén".
Agora está a traballar nun proxecto para un videoxogo cun estudo austrialiano. Ten a vista posta nas plataformas audiovisuais de streaming e tamén prepara as súas cancións propias "como hobbie", máis que con perspectiva profesional. Podes escoitar o podcast completo na ligazón que se adxunta ou descargalo na web de PontevedraViva Radio.